蛇年大年初二（30日）鄉議局主席劉業強早上按傳統，在大圍車公廟，為香港求籤，求得第 24 籤中籤，籤文為：「生前不作虧心事，只為貪心惹是非；若得貴人相勉力，莫教枉費用心機」。沙田鄉事委員會主席莫錦貴為沙田求得第 82 籤下籤。
劉業強說：「中籤都係好籤，最緊要係個寓意。」他指，在「唔好時期，都唔可躺平，努力工作，凡事都係好」，他又希望，預算案能顧及中產、基層，「唔好加咁多，加費加稅等等啦」，投放之餘，也別只粉飾櫉窗，「要做啲實際嘢」。
劉業強拿起籤筒，為香港求得第 24 籤。
早上八時許，鄉議局成員在車公廟內，行上香禮，朝拜、獻三牲等儀式，劉業強拿起籤筒，為香港求得第 24 籤，籤文為：「生前不作虧心事，只為貪心惹是非；若得貴人相勉力，莫教枉費用心機」。解曰「不可貪心，自身平安，家宅安吉，占病作福」。
劉業強：別只粉飾櫉窗 中籤都係好籤
劉業強在求籤後說，籤文寓意：「大家做好事，做啱嘅事，唔好貪心，腳踏實地」。「若得貴人相勉力，指香港需要國家支持」。他又指，財政預算案，千億財赤下，「希望財爺可量入為出，但都唔可以唔支持經濟發展」。他指，今年是蛇年，蛇敏捷、聰明，識執生，多變，會適應環境，揾一條路」。他指現時百物騰貴，希望預算案能顧及中產、基層，「唔好加咁多，加費加稅等等啦」，投放之餘，也別只粉飾櫉窗，「要做啲實際嘢，錢揾錢，需要經濟活動」。他又說：「中籤都係好籤，最緊要係個寓意。唔好時期，都唔可躺平，努力工作，凡事都係好。」
劉業強說：「中籤都係好籤，最緊要係個寓意。」
第 24 籤解曰「不可貪心，自身平安，家宅安吉，占病作福」。
為沙田求得第 82 籤下籤
沙田鄉事委員會主席莫錦貴，為沙田求得第 82 籤，下籤，籤文為「心中日復自思量，時運未通怎主張；進退難為無定處，恐防患禍與災殃。」解曰：出入謹慎，凡事小心。莫錦貴說：「呢啲都係車公爺畀嘅，叫我哋大家小心啲，睇清楚條路先行」。
求籤時有一段小插曲，劉業強最初以為求得 20 籤中籤，並讀出了 20 籤的籤文，但原來是竹籤的字樣不清楚，實際上是第 24籤。而去年劉業強求籤時，亦曾試過連跌四次籤，最終才求得第 15 籤中籤。
陳天恩居士解讀籤文指，24籤的籤文喻意市民莫追求太多物質享受，「平平淡淡，夠生活夠食飯就算」。
陳天恩居士：再諗咁多唔等使嘅嘢，香港只有死路一條
解籤多年的陳天恩居士解讀籤文指，籤文喻意市民莫追求太多物質享受，「平平淡淡，夠生活夠食飯就算」。至於「若得貴人相勉力，莫教枉費用心機」陳天恩即解說，要得到外來金錢投資，香港才可再次富裕，但相信今年更加困難，意味若無貴人只會徒勞無功，但也不要動念依靠旁門左道。
被問甚麼是「旁門左道」，陳師傅則笑指，絕非甚麼盛事、熊貓經濟、夜繽紛之流；更有甚者連北部都會區亦然。至於所謂貴人，陳天恩便指貴人不是指名道姓，可以是一個人，也可以是一群人，問題是「係咪真係有咁多貴人？」、「後面嗰句已經解釋晒！」
「（24籤）即係唔好，香港市民自求多福啦，我睇落去就衰過20籤好多倍，香港想好落去都幾困難。再諗咁多唔等使嘅嘢，香港只有死路一條。」未來流年不利，師傅預料樓市、股市皆跌，卻暫時未見解法，升斗只好勒緊褲頭。他又籲政府不應削減社會福利，反而應帶頭減薪一半，否則市民只會更難捱。
