陣地社工成員陳虹秀被控於 2019 年 8.31 灣仔衝突中暴動，2020 被裁定表證不成立後、遭律政司上訴，案件去年底發還區院另一法官重審，陳虹秀維持不慮認罪。歷時 66 個月，區院暫委法官鍾明新今（11日）下午宣判，陳虹秀罪名成立、即時還押，陳聞判表現平靜，向旁聽人士喊：「冇嘢、放心！照顧好自己！」法官將案件押至 4 月 3 日求情，4 月 9 日與同案三名認罪被告一併判刑。
裁決前，陳虹秀在庭外微笑說：「無論結果係點都好，我都無悔嘅，希望可以快啲同大家又見啦！唔得都係幾年嘅事啫。」多位曾與陳共事的社工、朋友，一早排隊以示支持，在他們的眼中，陳虹秀是「盡責」、「好熱血」的社工，直至幾日前才辭職；相信她無論在牆內、牆外都會盡力幫人，「佢喺入面會做另一份工、會有另一個新嘅 service」。
多名與陳虹秀共事的社工和朋友今日到庭。
案件在區域法院十樓進行，開庭前，多名親友站在走廊與陳虹秀道別，陳向他們交代寫求情信的步驟，又與他們一一相擁，正庭內旁聽及記者席均爆滿。
區院暫委法官鍾明新甫開庭宣布，裁定陳虹秀罪名成立，她須即時還押。陳聞判表現平靜，向法官點頭。法官押後讓雙方閱讀判詞，休庭時陳向旁聽席微笑揮手，又雙手合十，並說「加油」。
有旁聽人士聞判落淚，陳在被告欄向旁聽人士喊：「冇嘢、放心！冇事、冇事，OK呀、OK呀！照顧好自己呀！」旁聽人士回應：「加油」、「頂住」、「照顧好自己」，曾健成亦喊：「你都好好照顧自己！」，多人揮手和做出心心手勢。陳步入囚室前，將耳環等飾物交予親友保管，再稱「保重身體呀」。
法官再開庭後，將案件押至 4 月 3 日求情，並於 4 月 9 日與同樣發還重審、早前已認罪的三名被告一併判刑。散庭時，旁聽人士紛紛向陳揮手，喊：「保重呀 Jackie！」、「頂住呀！」，陳亦笑着向旁聽人士揮手道別。
陳虹秀剪短髮、戴粗框眼鏡到庭
下午 1 時許，法院地下已有約五十人排隊，當中不少為曾與陳共事的社工朋友，《時代革命》導演周冠威、社總會長張志偉、社運人士雷玉蓮、曾健成等也有到場。
陳虹秀下午 1 時 20 分步入法院，她剪了短髮、戴黑框眼鏡，身穿寫有「Odd little lives we all live. At least we are doing it together.」的白色上衣、白色長褲和涼鞋。陳其後與旁聽親友於法院前合照，又與朋友談笑、相擁、自拍，有人着她「冇事」、「大步檻過」。
陳身穿寫有「Odd little lives we all live. At least we are doing it together.」的白色上衣。
裁決前一刻持平常心：「無論結果係點，我都無悔」
陳表示，感謝很多朋友支持，指自己「平常心」，「作為社工都係做返社工應該做嘅嘢」，她又微笑說：「無論結果係點都好，我都無悔嘅，希望可以快啲同大家又見啦！唔得都係幾年嘅事啫。」對於結果，陳指「好難估」，但「最緊要自己知自己做咩」，「唔想大家太擔心，大家好好照顧自己，保持身心靈健康，無論情況點都好，我哋好好生活照顧自己，大家都保重」。
對於案件至今超過五年，陳坦言「有少少麻木，呢刻連少少緊張心情都冇」，她指太多案件的例子令她有少少心理準備，「希望有奇蹟」。對於檢控決定，陳說「作為社工從來覺得及早介入、及早識別問題去處理，如果佢唔認同，唔等於我哋做得唔啱」。她重申心情平靜，有五年時間做好心理準備，亦大概知道獄中情況，不用太擔心。
不少朋友送上擁抱，陳虹秀說不希望大家太擔心，籲大家保重、照顧好自己。
社工朋友到場支持：喺我心目中係無罪
社工 A 認識陳虹秀約十年，曾與陳在社總共事，形容她「好堅持、好清晰，好清楚要做啲咩」，「係一個好人」。她指，陳是很盡責、盡全力的社工，現時從事的復康服務不容易，不是很多人願入行，但她仍很為小朋友福祉着想，於數日前才辭職，笑說陳「仲話要幫機構做埋個 annual report」。
說起陳被控暴動，A 忍不住落淚，認為「不公義」，指「佢喺我心目中係無罪」，「佢真係活出咗一個真嘅社工」，她又囑陳「好好休息，保重自己」，指她常「諗咗人先」，但也希望她「為多啲自己」。
認識陳虹秀四、五年的社工 Sa 和 Cherry（化名），形容陳是「好勤力、好熱血的社工」，「佢真係好鍾意做社工，好癲，一日 24 個鐘，除咗瞓覺啲時間全部都係做緊嘢」。 她們又形容，陳擇善固執，對工作和服務對象「好上心」、遇到不合理會鍥而不捨追問，「打爛砂盆問到篤」。
陳指自己完全沒緊張心情，指心情平靜，對案件已有心理準備，「希望有奇蹟」。
信陳虹秀會在獄中「做另一份工」
被問到陳虹秀被控暴動的感受，Sa 眼眶泛紅，說感到無奈。Cherry 指曾向陳說：「放棄好容易，堅持好難，可以堅持到咁長一段日子係唔簡單。」二人在裁決前曾見過陳，Sa 指陳是資深社工，很懂得關顧大家感受、將他人感受擺先，但也感到她有脆弱的部分，只是用很多時間去準備。
Sa 衷心希望陳虹秀無事，又笑言即使陳罪成，相信她亦會在入面展開對囚友的關懷，「佢喺入面會做另一份工、會有另一個新的 service，開始 brainstorm 新的服務，出返嚟又會諗，『我已經諗到新的方向』，呢條女真係好癲」，故對她不擔心；最難過反而是一旦罪成，一眾朋友如何接受現實。Cherry 則盼對陳虹秀說：「結果好與壞，都要休息多啲。」
認識廿載朋友讚為人無私 「有需要佢就會出現」
認識陳虹秀近二十年的黃小姐，今早 10 時多到場，盼能入正庭看到陳。黃指，在 2008 年汶川大地震救災時已認識她，形容陳「好無私，淨係為人、唔諗自己，係我哋好 proud of 嘅社工」，完成自己工作後，再以義工身分趕去內地，因休息不足，在車上很容易睡着，「佢好畀心機、好努力為災民」。
黃對結果「唔敢諗」，指做好最壞打算，作為朋友來支持是最低限度，「唔想佢覺得得佢一個人，想話畀佢知我哋喺度㗎，法庭有法庭嘅判決，我哋有我哋對呢個人嘅睇法」。她又指，即使罪成，望法官能解釋清楚理據，指陳作為社工，沒有示威人士的裝束和行動，只是出現在現場。
黃在裁決前見過陳，指她「一如既往都係好積極，相信佢喺邊都會好積極，無論牆內、牆外」，又指「相信佢喺邊一度都會幫人，無論佢有罪、冇罪，我諗佢幫人呢個心係唔會變，我都幾肯定…佢都會用盡佢嘅方法、用盡佢嘅能力幫人」。陳的案件至今超過五年，一直積極面對，黃指這是她的性格，指無論是當年天災、或社運，陳也「好想同有需要的人走埋一齊，有需要佢就會出現」。
囚車駛出法院，數名陳虹秀的朋友揮手大喊「保重呀！」、「我愛你！」。
相關報道：重審陳虹秀｜罪成還押 4 月求情判刑 法官：對警失實指控、為示威者撐腰
他們好嗎？｜陳虹秀：只希望五年後可去旅行，keep 住做返陳虹秀
