九月一日，一號戒備信號生效、落雨、開學。莘莘學子要返校了，有學校在新學年，卻要面對「有學冇人返」的困局。今個學年，15 間小學獲派「零班小一」，破歷年紀錄。聖公會將軍澳基德小學，今早舉行首個沒有小一的開學禮。學校未來會跟黃大仙的聖公會基德小學跨區合併。「將基」的最後歲月，學校發展何去何從？校長說，會做「豪華版屋邨學校」。
「零班小一，都要成為豪華版屋邨學校」
在合併來臨前，聖公會將軍澳基德小學採取「逆周期」措施，校長鄺嘉文表示，新學年，會投放180 萬元，增強學生們的多元學習體驗，校內的足球場，會開放給學生踏單車，也會免費加強學生的田徑訓練、資助全校學生學游水、增強英語課程。
校長說：「即使零班小一，都要做到最精彩的學校，成為豪華版屋邨學校」。這 180 萬元資金，主要來自教育局津貼、學校儲備和捐款。
開學日，剛升班的學生們心情矛盾。吳同學知道學校收生不足，將要離開，「有開心都有唔開心」。「開心是將來或可多些同學、熱鬧些；唔開心係唔忍心，咁大間學校就咁就無左」。
最難忘「將基」的課室
回憶在將軍澳基德小學的日子，吳同學說，最難忘是師生一起到西安的交流團。黃同學就形容老師會「用玩嘅方法」教書，如以遊戲助學生學習，希望黃大仙校亦如將基一樣老師一樣好，她又指最難忘「將基」的課室，「因為有朋友」。謝同學指「讀咗幾年將基，突然間無左，有啲傷心。」
可把資源集中在現有學生上
家長心情同樣複雜。子女就讀小六的歐女士表示，一收到零班消息「係有傷心」，又感震驚。她說：「校長剛上任，學校一直好努力，今年卻有 15 間小學同陷殺校」。她說家校和教職團隊關係經營已久，大家很快調整，「其實有得有失」，「既然係上帝嘅安排」，反而見到孩子在逆境更有正能量，學校亦可把資源集中在現有學生身上，不用再被收生問題綁死。
「點解會因為收唔到學生而要合併？」
吳太有子女讀小四，另有已畢業的大仔。她說，孩子回校感覺學校「多咗好多關愛」，好喜歡老師和校長，「初初收到（殺校）消息真係有啲失落」，「咁好嘅學校，點解會因為收唔到學生而要合併？」她最欣賞將基令孩子有自信，「而家好缺乏呢種小朋友」，孩子唔會樣樣都驚。
關注日後跨區上學
黃太子女讀小四及小六。她坦言一開始一定唔開心，「會覺得好唔值」。黃太說：「學校咁好、孩子讀得咁開心，點解其他人唔知？」調整心情後，她認為「有危就有機」。合併「未必係最好嘅結果」，但由今年三月至今，見到學校邀請全校師生一齊行這條路，孩子學會一齊面對困難和挑戰。她感激將基家校關係親密，「唔係孤身作戰」。
住在學校附近的鍾太則較關注日後跨區上學。她認為最理想當然是留在將基，「我哋都住得比較近」，平日行路五至十分鐘就能上學。合併方案公布後，她曾乘巴士去黃大仙視察，認為「都接受得」，車程約20分鐘，再行一段路。
對「將基」歸屬感強
她曾問女兒要不要轉同區其他小學，女兒說：「唔想離開呢間學校」，對「將基」的歸屬感強；她尊重孩子選擇，亦會陪她度過。校方提及或有校車及校服津貼，細節未落實。鐘太說，跨區到黃大仙，之後選中學的校網選擇或會多了，「當係一個機會，等佢跨出呢一區」。她亦提到現時班額極小，到黃大仙後班額可能大了，要重新適應，但相信女兒在將基已學懂獨立，自己「唔係咁擔心」。
校長：集中喺未來要做得好
校長鄺嘉文本身是校友，坦言零班「對一間學校嚟講係一個唔好嘅消息」，但重點是如何轉化：「我哋集中喺未來要做得好。」她不希望講悲慘故事，「實際上我哋全部都係好正面」，消息亦非今日才有，師生已消化一段時間。
六年級畢業生離校後，將基本學年全校 121人，並錄得六名插班生：小二有一人、小五有四人、小六有一人。鄺嘉文說，二至六年級整體流失率與往年相若，暑假走約十人，當中兩人本身要搬屋，其餘有轉往其他區。
前身是黃大仙基德上午校
被問是否合併消息「嚇走」學生，她說不能一概而論，她指西貢區中學校網始終不及觀塘或「對面海」吸引，「當全港都唔夠學生嘅時候，其實就係一直好似音樂椅一樣喺度循環」。有家長走之前仍說對學校有信心，只是想在其他區讀書。
「將基」前身是黃大仙基德上午校，2004 年政府派將軍澳校舍，兩校才分拆走全日制。鄺嘉文稱黃大仙那間「其實係我哋嘅母校」，同一辦學團體、同一源頭，合併相對容易處理。未來三年會逐步增加兩校學生活動、教師共同備課及教研，讓三年後要過去的學生較易適應。
畢業後跟黃大仙校網派位
教育局就每個合併個案最高提供 100 萬元配套，校車補貼等細節仍在落實。她承認，有家長嫌路遠，想留在將軍澳；但換個角度，畢業後跟黃大仙校網派位，或可接觸九龍城等選擇。現時家長多屬「審慎觀望」。
15 間「零班小一」學校，有八間將會合併，包括聖公會將軍澳基德小學和黃大仙的聖公會基德小學，會跨區合併，預計在 2029 至 2030 年度完成。此外，有四間將會停辦、兩間辦會辦私立小一、一間會獲繼續參加小一派位。
