「去食豬潤麵！」記協前主席陳朗昇今早（2日）從荔枝角收押所出獄，隨即到深水埗「維記」食午餐，連碗內的熱湯也喝得乾淨。啖着凍奶茶，再來一份西多，愛吃、愛說話的陳朗昇，跟採訪的記者行家「飲茶」、「吹水」，細說五天的牢獄生活。他表示，獄中「伙食唔算差」，在囚期間，他在「醫院期」，同倉一名落泊的囚友，原來是網紅「何伯」。獄中電視早關、熱夜難眠，陳朗昇說：「有時望住個天花，諗吓自己點解入嚟」。
「伙食唔算差嘅」
「牛肉麵、雙蛋雙腸、凍奶茶」。離開荔枝角收押所後，陳朗昇即到深水埗一間茶餐廳食午餐，「監獄嗰嚿肉，只得半隻手板咁大嚿」，但他說：獄中「伙食唔算差嘅」、「朝頭早就食飯，四格，一大堆飯，好少肉，手掌咁多嘅菜，唔算難食嘅。晏晝就食粥，叫『打妹』，粥叫『鹹妹』，綠豆沙叫『甜妹』，夠飽嘅」。晚上再吃飯，也有提子包，他自嘲說：「對於我哋糖尿嘅，就太多澱粉質喇」。
入獄五天，陳朗昇說遇到的囚友非常好。「大家都好客氣同埋好有禮貌」。他剛好與早前被控有意圖傷人罪的「何伯」同倉。他表示，最初「認唔到何伯，佢瘦咗好多」。他說何伯情況艱難，身體不適要覆診，又要上庭，詢問之下才得知這位囚友，就是那位街知巷聞的「何伯」。陳朗昇出獄前，有「同佢（何伯）祈咗個禱」。
荔枝角收押所的電視，很早就會關上，陳朗昇說：「夜晚係好難捱嘅，有時望住個天花，諗吓自己點解入嚟」。
「獨立嘅媒體真係好重要」
香港近日氣溫炎熱，在獄中的熱夜，陳朗昇說「瞓到個枕頭濕晒」，他再三強調「夜晚好難捱」，做記者的他，入獄時透過免費電視台接收新聞資訊，令他深感「我哋呢啲獨立嘅媒體真係好重要」。
已服畢刑期，陳朗昇表示，有再仔細提及案發當時情況，打算再上訴：「有希望過係會上訴成功啦，咁都知機會好細，反而佢（法官）話咗我失敗之後，我仲覺得如釋重負」。
匆匆吃過出獄後的第一餐，陳朗昇在飯後即開直播，向他頻道的觀眾表示感謝「感謝大家嘅支持，感謝大家嘅愛護」、「都要啲時間適應（正常生活）」並且分享拘留所「係一個特別嘅地方」以及「認識咗好多我平時唔會認識嘅人」。
