香港網球一哥黃澤林在美國網球公開賽歷史性打入 32 強，他今（1日） 晨返港，表示由第一輪開始，贏了六場比賽，「每一場都好緊張，好開心去到呢一步」。現時世界排名 173 位的黃澤林，有信心可打入頭 100 位，「我要相信自己，知道自己水準去到邊」。
在 32 強戰，黃澤林以盤數 2:3 不敵俄羅斯球手魯布列夫。回憶這場比賽，他說當時「好攰，打到第四盤時已很累，打咗好多場，對佢來講較易應付，打慣咗，我經驗未夠，係好好一課，下次可做得更好」。
第一次打到第五盤，他說今次學到很多，如體力、戰術的應用。他說：「今次好多嘢都好新，又打咗四盤，又打咗五盤，打咗咁多場比賽，第一次大滿貫，氣氛唔同。喺更衣室見到不同的球手，隔離就係祖高域，跟住就艾卡拿斯」，他續說：「平時喺電視見到的球手，我以為會距離好遠，你唔打落去，你唔知道係差幾遠」。
現時世界排名 173 位的黃澤林，目標要打入頭 100 位，他有信心可做到。黃澤林說：「今次贏咗兩位頭 100 球手，同世界 15 又打到五盤，我都知道自己實力係邊，我要相信自己，知道我水準去到邊」。他認為，香港人打網球可做到一個職業球手。
球場上遇到香港的球迷支持，黃澤林說感覺「好特別」，「唔容易，去到紐約都有咁多香港球迷支持我，又有加油，好多唔同支持我嘅說話，我都收到晒」。他感謝所有球迷的支持。回到香港，黃澤林說，最掛念香港的食物，想休息一下，跟朋友看演唱會，暫不去想網球，他之後要迎戰台維斯盃。
