黃之鋒被控 2020 年與羅冠聰等串謀勾結外國勢力，今（2 日）於高等法院認罪。國安法指定法官譚耀豪押後判刑，指知悉黃之鋒原定於 2027 年 1 月 7 日出獄，會盡快定下判刑日期。幾名與黃之鋒相識十多年的前學民思潮成員，今日到庭旁聽以示支持。散庭後，錢詩文表示對刑期不樂觀，指黃之鋒行為積極、但心理和精神「一定會有大壓力」，又指認識他的朋友可繼續寫信，「等佢知道出面仲有好多人關心緊佢」。
相關報道：黃之鋒案｜被控串謀勾結外國勢力罪 黃之鋒認罪
黃之鋒失自由逾 2100 天 被控串謀勾結外國勢力案 明答辯判刑
疑似排隊黨昨晚出動 旁聽師排頭七位
昨晚近十時，現場已有近 40 人排隊，排頭七位的是一直有旁聽黃之鋒案件的旁聽師。排頭位的旁聽師約下午 5 時半到場，說希望入正庭以示支持；到晚上約 8 時，有幾名疑似排隊黨到場，不足 30 分鐘內，再有大批近 20 人，同步到場跟警方登記其餘的正庭席位。有旁聽師說，之前幾次聽黃之鋒的案件都沒有排隊黨，「上次我哋啲朋友仔坐咗四分三個庭」，形容情況不尋常。
47 人案獲釋的岑子杰今到庭旁聽。
前學民思潮成員錢詩文和 Louis 今到庭旁聽；散庭後，錢指黃之鋒在行動上很積極，但相信他一定面對心理和精神的壓力。
錢詩文對刑期不樂觀 指黃之鋒有心理壓力
前學民思潮成員錢詩文、挺著孕肚到庭旁聽，散庭後被記者問到心情，她說「壓力都大」，指就刑期暫時只得黎智英案可參考，「都唔會話太樂觀係一個好短刑期」。過去幾年，她定期都會到監獄探訪黃之鋒，指他「都有心理準備」，有日日做運動、看書，形容「行動上佢係積極嘅，但心理或精神上一定會有大嘅壓力」。她說會定時探望和寫信予黃之鋒以作支持，又說「如果大家認識佢，都可以繼續寫信畀佢，等佢知道出面仲有好多人關心緊佢」。
Louis：佢繼續努力發掘新興趣和事物
前學民思潮成員 Louis 到庭旁聽，他過去五年每個月都會到赤柱監獄探望黃之鋒。他指與黃之鋒認識十多年，黃原定 2027 年 1 月獲釋，但因本案再被控，雖屬預計之內亦感不開心，「始終都冇人想坐多過一日」。但他指，黃之鋒獄中有努力讀書、看書，「做自己日常嘅嘢」，如彈結他、做 Gym，不停努力發掘新的興趣和事物，「希望大家都學習到佢呢樣嘢，都繼續維持返自己日常」，除了繼續旁聽亦繼續做好自己。
對於刑期，Louis 指難以判斷，但作為朋友「希望越短越好」。被問有什麼想對黃之鋒說，他指「相信我同佢或者出面嘅朋友，我哋會各自做好自己崗位，各自繼續喺自己嘅領域上努力」。至於有疑似排隊黨霸佔正庭位置，他說渴望有機會在正庭看到黃之鋒，但認為無法阻止，「覺得大家盡咗力就好」，又指相信黃之鋒一直感受到大家對他的支持。
Candy：佢係一個好認真愛香港嘅人
前學民思潮成員 Candy 表示，2013 年已與黃之鋒認識，當時他是很認真工作的伙伴，加上大家年紀差不多，是「會嘻嘻哈哈嘅朋友」。她指最近兩三年會寫信給他、亦時有探望，形容其狀況「有時幾好、有時冇咁好」。
Candy 估計，黃之鋒會判刑超過 10 年，她坦言有點可惜，指 20、30 歲的人「應該係享受緊佢哋嘅人生、發展事業、同屋企人朋友相處」，但卻要在監獄渡過許多時間。她指黃對香港政制發展付出許多努力，亦是「一個好認真愛香港嘅人」，雖然他可能覺得自己選擇行這條路，但作為朋友，「我覺得佢係值得同屋企人同朋友有多啲相處嘅時間」、「作為一個人，應該值得有一個自由嘅機會」。被問有何想對黃之鋒說，Candy 說：「希望佢平安啦、健健康康啦，雖然入面都要渡過一段時間，可能識多啲朋友，希望佢健康同平安」。
前社民連成員曾健成則指，黃之鋒已服刑逾 2,000 日，「希望判刑判得少啲、希望盡快出嚟」，被問到預計刑期，他說「你知啲國安法嘅法官你係估佢唔到嘅，咁國家話事啦，由治及興，鴉雀無聲。」
