宏福苑業主大會被安排在港九新界四個地方舉行，在天水圍，有聯名業主今早一度被拒進入會場，跟工作人員理論；亦有不少業主中途離場，質疑會上未能解答任何問題，「開咗等於冇開」、「不斷遊花園」、「笑話」、「係一個 show」。會場負責監票的律師拒透露姓名及所屬律師樓，亦惹來居民不滿。
有居民望索取樓宇結構安全的勘察報告，合安指未來是風季雨季、要待當局再檢查，令居民鼓譟。宏建閣居民袁先生希望了解為何一定要拆除全部八棟樓，「起碼大家做場戲，都攞返啲報告出嚟吖」，惟現時合安推說打風落雨等，「咁都冇辦法啦，小市民都冇嘢可以再講。」
聯名業主一度遭拒入 職員稱僅容一人入
天暉社區會堂早上 9 時起，陸續有居民入場，部分人乘坐旅遊巴。早上 10 時許，多名聯名業主入場時，被職員要求只能一人進入，有剩餘位置才能讓另一人進入，惹來業主不滿，在會堂入口鼓譟：「搞埋晒啲咁嘅嘢…你咁多個場…你計咗數㗎啦」、「千幾戶咋嘛，鬼鬼祟祟咁樣」。
記者欲拍攝時被警員阻止，要求前往會堂外的採訪區，稱現場不得停留及拍攝。有現場工作人員向業主表示，網上已列明只容一名業主進入。惟翻查資料，合安僅表示因場地人數所限，每個單位只由業主本人或其授權代表出席，未有列明人數。相關業主最終在會議開始前，全部獲准入場。
在天暉社區會堂，有聯名業主入場時一度被拒，職員稱場地所限，只能一人進入、有剩餘位置才能讓另一人進入，未能入場業主在一旁排隊輪候。
宏仁閣麥生：只係工作報告會、唔理想
會議開始約兩小時、進行第一輪投票後，下午約 1 時，有少量街坊離場，包括宏仁閣高層業主麥生麥太及數名街坊。作為有份聯署開會的業主之一，麥生坦言事前沒有期望，「我哋嚟只不過係睇吓佢點樣開呢個所謂嘅業主大會」，而結果亦與他想像中一模一樣：「呢個唔係業主大會，只不過係一個工作報告會」。
麥生模仿一眾高官，形容會上內容「唔理想」：「我哋要求嘅嘢佢都做唔到，我哋要求嘅議程佢又刪除咗，咁你話理唔理想？」他又不滿：「佢樣樣嘢都話唔關佢事嘅，同啲政府高官講嘢一樣，話我哋做唔到、呢啲係政府做。咁你係我哋嘅代理人吖嘛，我哋要求嘅嘢你係咪應該要同政府講呢？佢淨係話我哋做唔到，我哋有咩符啫。」不過他指這是意料中事，指合安也是由政府委任。
指會上有人鼓譟：如果係一個會場，可以暴動喇
麥生批評就首輪發問，天水圍會場只容一人提問，「好多人想問嘢都問唔到、問非所答」，現場街坊不時起鬨，「我哋忍耐咗七個月，谷氣谷咗七個月，你話鼓唔鼓譟吖？」，「如果我哋係一個會場，可以暴動㗎喇」。
麥生麥太為宏福苑第一手住戶，因認為資訊不清晰，至今未有交回收購意向書，「我哋要睇定啲」；又坦言返回大埔居住「係我哋嘅夢想添啦」，但現時亦「冇得打算」。他們盼能再度上樓執拾、「上到攞晒為止」，指家中狀況完好，現時只取回不夠三分一的物品，「得兩次六個鐘頭，攞得幾多嘢啫」。
宏泰七旬婆婆揀賣業權：冇辦法，要接受
居於宏泰閣的七旬婆婆亦於約 1 時半離開，指「聽咗最想聽嘅部分咪走」。她指最關心屋苑餘下管理費等款項，在賣業權後會否歸還業主，合安會上指「會畀返我哋」。至於保險賠償事宜，她指「有就有，冇就冇」，亦不擔心賣樓後不獲賠保險，笑言：「我信政府㗎，政府應該唔會呃我哋嘅，仲喺乞衣兜𢲡飯食？應畀就畀，唔應該收就唔收囉。」
婆婆現居於洪水橋過渡性房屋，她說原本首選赴大埔出席，打算「順便搵吓啲朋友飲吓茶」，但「抽唔到咪嚟呢度」。大火至今近八個月，她指起初也「冇乜嘢」，但「越住越唔開心」，「始終你冇自己屋企⋯地方又細，同以前間屋冇得比，差成兩倍，周圍都好似冇乜活動空間」，因此希望能盡快上樓。
自宏福苑落成已遷入，婆婆已簽署買賣業權協議。要賣出 40 多年的家，她說「都冇辦法，要接受囉」，苦笑反問：「咁你唔賣又點呢，你死都唔賣，咁你𢲡住業權做咩呢？你又冇地方住，咁呢個都要現實啲」。
現場停泊四架旅遊巴及一架小巴，接載居民離開，有關愛隊協助。記者區設在離居民上車逾十米的位置，以欄杆隔開。
宏盛閣袁生：起碼做場戲，攞返啲報告出嚟吖
宏建閣居民袁先生散會後，向記者表示對會議沒有期望，最終亦得不到答案、「都係講返之前佢哋講嘅嘢」。他指，居民最關心勘查報告，望了解為何一定要拆除全部八棟樓，「大家都想知點解冇咗間屋，但係冇人比到個答案」，合安亦稱「唔關佢哋事」。
就勘查報告，合安稱未來有風季雨季、要待當局檢查安全情況，「大家等一等，佢哋做到之後或者會對大家公布」，惹來多名居民鼓譟。袁先生指，雖然大家都知道為何要「收返成幅地」，「但起碼大家做場戲，都攞返啲報告出嚟吖，但佢哋都攞唔到，都話打風、落雨令到攞唔到啲報告出嚟，咁都冇辦法啦，我哋都係小市民嚟㗎嘛，都冇嘢可以再講。」
宏建閣居民袁先生
對於大會，袁先生坦言「都冇感受㗎喇，都預咗㗎啦，我諗我哋坐喺裡面，都係一個過程嚟啫」，他現時未簽意向書，指仍有很多考慮，包括父母、小朋友如何處理，「唔係話一下賣咗就解決到個問題」。火災至今近八個月，他說「呢八個月痛苦都係自己一路都要去解決⋯成家人都會辛苦，但都要去面對」。
被問有什麼想向政府或合安說，袁先生淡然說：「我諗我哋講咩說話都冇㗎啦嘛，因為佢哋都覺得自己好好、安排得好好，而我哋講咩，其實之前一直個個都喺度講緊㗎啦。我諗佢哋鍾意聽到又好，唔鍾意聽到又好，我諗我哋都表達晒出嚟㗎喇，咁…都真係多謝佢哋啦。」
宏志閣黃小姐
宏志閣居民質疑未知保險賠償下賣樓
宏志閣居民黃小姐，出席會議後感受「好無奈同好攰」，指原期望了解若不重建或復修下，20 億火險會否作賠償，太平保險代表會上稱「應賠得賠」，但未知確實安排、仍待處理。她指正常應是先計算賠償多少、再決定是否賣樓，質疑在未知保險賠償情況下，「我哋 8 月 31 日之前就已經要賣業權，呢個次序會唔會調轉咗呢？」
黃小姐現時仍未簽署收購意向書，指有很多疑問、望有清晰資訊才決定，期望合安向政府反映延遲賣樓期限，讓居民就保險賠償掌握更多資訊，才決定是否簽買賣合約；亦應盡快舉行下次業主大會，不應等到 8.31 街坊賣業權後。她強調，宏志閣在沒有燒毀、非常安全情況下，「點解我唔能夠返我屋企呢？⋯有咩條例、有咩部門唔畀我哋返屋企攞嘢呢？」惟會上居民問了數次仍未有解答。
天水圍會場內情況（現場業主提供）
對轉播安排感不舒服、令流程不順暢
對於大會安排，黃小姐坦言「好唔舒服」，指以往大會所有街坊皆現場參與，惟現時分散各地，有三個場地「淨係睇住個 mon」，連其他場地情況亦看不到，每有想發問、找主席釐清，皆要靠在場職員轉達，但往往不果；流程亦不順暢，要輪流抽籤、發問，浪費不少時間，與上次簡介會感覺相似。她認為，如能與街坊在同一場地溝通、討論，流程會較順暢，亦會花較少人力物力，望合安下次能改善。
黃小姐說，每次出席宏福苑相關會議、看相關新聞，都會回想起火災當天情況，感到很不開心，但今天久違地見到街坊，可以一起討論事情，感覺有點欣慰：「終於開到第一個會喇，雖然呢個會好似冇乜得到答案，但係我見到街坊，我哋可以一齊去傾」。
宏仁閣曾先生
宏仁閣曾生：不斷遊花園、係一個 show
居於宏仁閣一年半的業主曾先生，離場時形容整場大會「只不過係一個 show」，議程由合安決定、亦未能解答業主疑問，「好多嘢都係帶你去遊花園」。尤其保險問題，他指居民擔心賣業權後，保險是否會賠償予政府，惟主席沒有回答，「不斷咁遊花園」。
曾先生暫不打算賣業權，他指政府要求居民 8.31 前賣業權，否則採取法律行動，但保險公司稱待政府出調查報告後才決定賠償，政府則要待賣業權後才出報告，「大家推嚟推去，做唔到任何決定」，盼能延遲賣樓期限、或提早出報告。
就會上議決兩個月內開業主大會，曾先生憂慮若 8.31 後才開大會，政府已佔大部分業權、能決定會議方向和內容，居民「好多嘢都揸唔到主意」。他又不滿居民被「打散晒」至不同地方，難以溝通，認為政府「好擔心我哋團結」。
宏道閣李先生授權失敗 擾攘逾一小時方准入場
宏道閣李先生同樣認為，今次大會「幫唔到啲咩」、亦解答不到業主疑問，「大家好不確定嘅諗法，嚟到今次業主大會，都係一樣冇變過，都係好多嘢都係唔知」。他表示，感覺「賣咗業權後，好多嘢你都冇得再追究」，包括保險和業主大會的權利，亦認為下次大會政府已佔大部分業權，出席已沒意思。
李先生獲家人授權出席，原於限期前交齊資料，但開會前一天獲通知授權失敗、沒告知原因，致電合安熱線亦無解答。他今早 10 時再到場，職員同樣無提及授權失敗原因，並檢查其資料，最終輾轉一小時、至 11 時 15 分才讓他進入會場。
天水圍監票律師在居民追問下未透露姓名及所屬律師樓，步出會堂時亦未有回應記者提問。
天水圍監票律師拒表明身分
另外，業主大會點票時各場地均設律師監票，不止一名居民提及，天水圍場地的律師當時未有表明身分，直至居民追問下，主持人才指出某一男子為律師，但他稱沒有攜帶卡片，亦拒絕透露其姓名、所屬律師樓。居民追問其身分，合安稱會再查詢，但最終仍未有確認其身分。宏泰閣業主鄭生形容情況非常吊詭，質疑「唔知係咪大家喺度做戲，求其話佢係律師監票」。該名男子下午近 5 時步出會堂，記者追問他是否律師、其姓名及所屬律師行等，他未有回應，即轉身返入會堂。
相關報道：
宏福苑業主大會｜分四地開會 有居民一度被拒入場 有人不滿中途離場 91.79%贊成兩個月內再開會
宏福苑業主大會｜災民斥政府代表律師厚顏無恥 「問責制去咗邊？」 憂被指「以災亂港」 嘆重置訴求無處抒發
宏福苑業主大會｜啟德會場穿梭巴士隔開記者 關愛隊接走災民 遺屬斥未見溝通渠道只見鴻溝
宏福苑業主大會｜被分開入場 八旬父與職員爭執不適入院 女兒未獲告知 斥合安安排混亂
宏祏苑業主大會｜痛失五歲女兒 爸媽一度被限同入會場 批合安安排混亂 最想問責、政府道歉
宏福苑業主大會｜火險賠償如何？ 未許回家誰決定？ 六小時會議 業主能否得到答案？
