「47人案」九東候選人，歷三個寒冬，今（5 日）到求情階段。從政 30 年的胡志偉，培育出多位徒弟，今紛紛旁聽，包括相識廿載、有份為胡母安排身後事的莫建成。
「其實係好唔開心，睇見佢對住我笑緊，但永遠有啲擔憂、憂愁，唔想我哋分擔……」還押千日，胡志偉經歷風雨，無法見父母最後一面，對其打擊很大。
莫建成從未見過樂觀的志偉，眼泛淚光、面露憂愁，而堅強的他，卻不願跟別人訴苦。不過，「很捱得」的志偉，很快跨過哀愁。今隔犯人欄相見，他覺得，師傅依舊正面，坦然面對裁決。
民主黨莫建成，今早八時許到場，主要想探望師傅胡志偉，以及前觀塘區議員李嘉達。
單張「唔係hea 派，帶住笑容」
九十年代，十多歲的莫建成跟家人做義工，在地區工作認識到當時是市政局議員的胡志偉。2003 年，莫建成 23 歲，為民主黨九龍東團隊助選，初與胡志偉交流，對胡的第一印象是勤奮，「嗰陣我仲會喺立法會選舉開街站，見到志偉派每張單張都有好力，佢唔係hea 派，帶住笑容、隻手遞到好直。」
莫建成畢業之後當過社工，直到 2013 年，胡志偉邀請他加入其團隊當助理，做地區工作，便成為志偉眾多徒弟之一。「合作多咗，更加睇到佢態度同熱誠，做嘢唔係為自己」。
「唔通反對起醫院學校，真係唔畀佢起咩」
他還記得，那時胡志偉辦事處資源不足，師傅願自費支持一班徒弟做區，「佢同我講：『阿成唔緊要，你要用就要，唔夠就出聲，我能力做到，我會自己搵資源』。」
後來莫建成當選觀塘區議員，胡志偉的為人設想、務實的精神，成他的榜樣。他說，胡志偉做區會「是其是、非其非」，不會盲目討好街坊，反而要令街坊明白，「佢成日都有一句：『唔通反對起醫院學校，真係唔畀佢起咩，社會需要嚟』。」
例如富山邨拆學校起樓，起初也遭街坊反對，但他說服街坊，新樓會活化這個老社區，帶來街市、籃球場、社區設施，令一眾街坊信任；鑽石山火葬場擴建，爭取地下有足夠停車空間和集散地，說服到街坊支持，「這些事，至今我仍覺得好 amazing」。
還押千日 失去雙親
2021 年二月，胡志偉因「47人案」還押至今。61 歲的胡志偉，過去逾千日身在獄中，經歷雙親先後離世。
在莫建成眼中的志偉，是樂觀和隨遇而安的人，入獄處之泰然。但替志偉雙親辦身後事時，他第一次看見師傅的愁容，「其實係好唔開心，老實講，我係其中一個幫佢手處理支援的人，定期都會探佢，睇見佢對住我笑緊，但永遠有啲擔憂、憂愁，唔想我哋分擔……」
莫說，父母離世對志偉打擊甚大，多樂觀也有傷痛。其中一兩次探望志偉時，看見他眼泛淚光，「好少見到佢咁，佢係比較強嘅人。」
但莫建成說，胡志偉很快便振作起來，今日在庭上相見，覺得他像平時一樣精神。
逾百日審訊來到尾聲，他有感，求情只是流於程序，但仍希望法官在判刑時，考慮地區人士過去盡心盡力服務市民，曾認真服務香港。
