今年是回歸 28 年，維園一連數日舉行展覽，設有熊貓及霓虹燈裝置等，供市民打卡，入場人士需進行安檢，維園內外及銅鑼灣一帶也有大批警察駐守。有市民表示，展出的熊貓較粗製濫造、亦認為安檢沒需要：「無啦啦安咩檢啫，（入場人士會）炸咗啲熊貓咩」；亦對看到很多警察「唔係幾舒服」，「覺得自己好似犯緊事咁」。有來自中國內地的旅客則認為，有警察很正常，「有種安全感」。
相關報道：
7.1｜ 吳伯伯銅鑼灣舉牌要求廢除《國安法》 警開咪警告或干犯《國安法》
香港各界慶典委員會，一連三日在維園舉辦慶回歸展覽，入口以中國古代門樓設計，並設有霓虹燈長廊、展示回歸後地標的「五星隧道」、巨型蛋撻，以及兩米高巨型熊貓和百隻小熊貓供市民打卡，進場需通過安檢。現場有不少遊客、家長和子女、外傭等拍照留念。
市民認為無需安檢：炸咗啲熊貓咩
梁生梁太今從屯門往維園看展覽，與霓虹燈裝置打卡。梁太說，展覽比預期小，而且「啲熊貓真係唔係好得囉」，指以往PMQ曾展出的熊貓較多和較大，「呢啲好細隻、好yap，覺得好粗製濫造，差啲囉。」
對於入場要進行安檢，有職員翻查袋內物品，梁太認為沒有需要：「入安檢嗰度就唔OK啦，無啦啦安咩檢啫，我覺得唔需要囉，（入場人士會）炸咗啲熊貓咩」。今天銅鑼灣一帶有不少警察駐守，梁太亦覺得不需要：「我見到佢哋都唔係幾舒服，即係覺得自己好似犯緊事咁，唔需要咁多人看住我咁，唔鍾意，睇嘢咋嘛。」
今天近 4,000 食肆提供優惠，梁太說，見食肆如太興大排長龍，未必會考慮：「睇吓使唔使排隊，如果要排隊就唔去（有優惠的餐廳）」。梁先生亦指，部分優惠只限七一，「時間唔係咁啱」，如優惠時間較長會較好。
遊客稱有警察「很正常」、「有安全感」
來自上海的李先生，今天第一天到香港旅遊，酒店位於銅鑼灣，帶兒子到維園逛逛。他說展覽「還可以」，看到警察駐守但沒有覺得很多：「這個也很正常吧，也有種安全感。」
Joanne 今特意到場看展覽，「慶祝回歸」，她讚賞展覽「好應節、好啱回歸主題」，指熊貓是國寶、代表中國，蛋撻則代表香港飲食文化，又表示現在「好和平、好平安，國家安全法實施咗呢，好繁榮，冇咗嗰啲嘢呢，好靜。」
