今日是 721 元朗襲擊事件七年，下午三、四時起，港鐵元朗站、地下通道有多名疑似便衣警員駐守。多名市民到元朗站、以不同形式紀念 721，有男士穿著「香港」「未完・待續」黑衣、「Uncovering the Truth」黑色上衣，有市民袋上白色滿天星紀念當日傷者；市民趙女士批評警員，指「冇 2019 嘅 721，就唔會有今日」，又展示七年前兩名軍裝警在出口掉頭走的相片；23 條被捕者之一李盈姿，攜同西瓜和懷疑是當日施襲者相片到場被截查，被搜出「搜乜撚嘢」文件夾；女長毛雷玉蓮則在身上貼上皺紋膠紙，指「721 嘅重傷令我依家立即重傷」。多人被警方截查後放行。
相關報道：721 七年｜8 名非白衣人暴動罪成 3 人已出獄 4 人 8 月刑滿 林卓廷料最快 2030.1 獲釋
影像記錄
元朗站下午近四時，在 F、G 出口附近，一度至少有 10 名疑似便衣警察；地下通往輕鐵站的通道，亦見多名疑似便衣警員駐守。下午約 5 時 22 分，撐著拐󠄆杖、身穿印有「香港」、「未完・待續」黑衣的陳先生，由 F 出口被便衣警員帶到 G2 東頭村出口，搜身及搜查隨身物品。
展示警掉頭走相片 「冇721，就唔會有今日」（影像記錄）
同穿黑衣的「波媽」和趙女士不滿，一同批評警員，抱怨警方不理會天水圍吸毒問題，又稱「你哋冇資格做警察」、「冇 2019 嘅 721，就唔會有今日」，其後「波媽」被港鐵職員截停問話。「波媽」被港鐵職員問話期間，趙女士繼續向傳媒表達不滿，「要拉嘅人又唔拉，去咗邊呀？」，又展示 721 當日，兩名軍裝警員掉頭離去的照片。
「波媽」之後嘗試向傳媒講述事件，再有港鐵職員上前，稱港鐵範圍內未經申請不得採訪，波媽指自己沒接受訪問、「自己鳩噏」，隨即被職員指她說粗口，而根據港鐵附例不准講粗口、採訪，要求出示身份證給予警告，雙方再發生口角。「波媽」質疑為何要向港鐵職員出示身份證，又謂自己北方人不知道何謂粗口，稱「習主席講嘅，唔可以販毒，唔可以食毒」。港鐵職員其後要求警方協助，「波媽」多次指可配合警方，但拒絕向港鐵職員出示身份證，便衣警最終協助職員抄下其身份證。（影像記錄）
李盈姿攜西瓜、施襲者相片被截查 警員搜出「搜乜撚嘢」文件夾（影像記錄）
傍晚約 6 時，曾涉 23 條被捕的李盈姿帶同西瓜、及據稱是 721 施襲者的相片到元朗站，不久後，她和同樣抱著西瓜的陳先生，被警員帶到往東頭村出口的天橋搜查，警員從李盈姿背囊搜出一個寫著「搜乜撚嘢」的文件夾。李指「七年前有咁多警察就好，七年前呢幾位（搜查的警員）都好細個，唔知佢哋知唔知咩事呢？」陳先生被第二次搜查後獲放行，李則直至約晚上 7 時 20 分獲放行。
李盈姿獲放行後解釋，自己帶同西瓜、身穿白衣，是扮「西瓜佬」，因為「西瓜佬潛逃緊」，希望可以尋回他。她又指，要記着當年掉頭走的警察，搜查時曾向警員講解，「七年前元朗警署落閘，知唔知市民幾傷心？」又向警員指是因警察掉頭走，市民才自衛，「點知後來自衛嗰班就俾人拉咗，坐緊監，依家喺監獄度，白衣人就冇事。」
李指她呼籲警員，「將來你上司如果再落 order、做咁樣嘅事（掉頭走和警署落閘），你哋要拒絕，唔可以唔理啲市民，由得我哋畀人打。」她又指因經常被人搜查，近一年準備了「搜乜撚嘢」的字句。她被搜查逾一小時，指警員都是如常查身份證、搜身、搜袋，但之後要多次致電向上頭請示可否放行，「有少少以為，係咪要帶上車呢？咁耐。」她估計今日的表達是一個安全的表達方法，「初初以為佢會拉我，個西瓜就做呈堂證物。」
約 6 時半，一名有「香港人」紋身的市民，在天橋上、李盈姿被搜查的位置附近，身穿「冇 Yuu 會員」黑衣到場吸煙。他其後帶了一個西瓜回到現場，又用刀切西瓜，分給其他市民，被警員搜查，10 多分鐘後，警員要求他將刀收回包裝後放行。他之後引述警方指，不能在公眾地方或天橋拿出刀具，否則或涉「藏有攻擊性武器」。（影像記錄）
雷玉蓮貼皺紋膠紙被包圍（影像記錄）
「女長毛」雷玉蓮約晚上 6 時 52 分到達元朗站，她帶同印有「越來越好」、有蓮花圖案的環保袋，手臂和臉頰貼上皺紋膠紙，「我依家受咗重傷、嚴重重傷，721 嘅重傷令我依家立即重傷」。她先後被港鐵職員和便衣警員包圍，其後被帶到東頭村天橋搜查，圍觀市民中，有人穿著「祝你在亂流下平安」黑衣。雷被搜查期間向警員指，「我唔係非法入境者，你懷疑我咩呢？」
她一度獲放行，之後綁上粉紅色頭巾後，仍未入到元朗站便被警員指「仲有少少嘢傾」，帶返天橋。雷玉蓮之後向警員稱，自己出門不用通知警務處處長，「袋畀你搜過、身份證畀查過，你想我點樣？」她又在警員面前吃火龍果，稱「成口都係血」。
晚上約 9 時 40 分，雷玉蓮返回 G 出口，用皺紋膠紙在廚房紙上貼上「721」。港鐵職員要求下，雷退到往東頭村的天橋上，大批港鐵職員一度包圍該出口；她之後將廚房紙貼在環保袋上，往東頭村而去，其後又折返離開。
市民帶白色滿天星紀念 721 傷者（影像記錄）
身穿黑衣、口袋放了一小束白色滿天星的 Brian，約晚上 7 時半到場，他解釋白花是用作紀念當時受過傷的人，「同埋依家可能仲係備受傷害嘅人」，而選滿天星是因為花的數量多，代表有很多人受傷。他指本來打算逗留 39 分鐘，但後來忘記計時。
Brian 被警員搜查背包和查身份證，問到電話、地址、搭甚麼交通工具，對方未有交代理由，他認為是「依個咁特別嘅日子，所以要咁樣做」。他指警員沒有說不准入元朗站，「不過如果我喺度呢，係佢嘅職責要跟住我。」被問到如何看今日有多名便衣警、而七年前沒有，他表示「呢個真係要佢哋先知」。他又認為只有 14 名白衣人被控，「感覺上係拉一小撮人做代罪羔羊咁，我唔敢講係咪真係咁啦。」認為政府需交代為何當日有警員在場而未能處理事件。
著「Uncovering the truth」黑衣籲「記住真相」
晚上約 8 時 06 分，身穿「Uncovering the truth」、「Confronting injustice」黑衣、佩戴雨傘形狀吊飾頸鏈的杜先生被警員截查。杜先生指自己是新界人，「721 盡量嚟到就嚟，政府越唔想人出嚟嘅時候，亦都因為好多人真係各種問題出唔到嚟，出到嚟、有時間嘅咪嚟打個圈。」他指明知沒什麼作用，「但係要記得嘅人就會記得，唔想記得嘅人就會諗盡辦法去忘記。」
杜先生表示，自己身穿的是蘋果日報的衣服，嘆「冇㗎啦，大家記住啲真相囉。」他指自己只會逗留一陣，「留得耐再夜啲唔知佢唔會唔會夾走，無謂啦，佢車你去老遠放返都嘥車錢走啦！」
