新一份《施政報告》提出低限度的打擊濫用「補充勞工優化計劃」，只針對請待應、初級廚師外勞，要延長本地招聘時期，及調整人手比例計算方法，明日生效。基層團體認為，改動後，僱主仍有很多方法輸入外勞，壓縮本地勞工就業空間，促設暫停輸入外勞機制。
新措施下，如僱主通過計劃輸入侍應生及初級廚師，本地招聘時間由過去的四星期廷長至六星期，期間必須每周參加一次勞工處舉行的實地招聘會；同時，由現時以每名申請僱主的所有職位為基礎計算，改為以申請職位計算。
基層願景成員許垣桓認為，政府希望僱主不要走「法律罅」，改動的原意是好的，「政府係睇到而家嗰個就業市場嘅危機嘅，同埋實際上都真係好多街坊受到影響。」 不過，她明言，實際上仍然有很多方法輸入外勞，壓縮本地勞工就業空間，「可能cut鐘咁樣，照人手比例（2:1） ，請十個part time待應，全部變散炒、畀嘅更好少嘅，然後我請一個全職外勞返嚟，長期都係佢。」
「有冇咁多人做監察？」
她質疑，政府是否有長遠的人口規劃及人手資源解決本地勞工的就業問題，「政府監管嚟嚟去去，都係揾勞工處巡查科去做，但你批咗咁多外勞，即係有咁多個case，有冇咁多人做監察？就係個問題，一係做死啲職員，一係就你做唔切。」
她建議，政府需建立短中長期的就業配套計劃，支援本地勞工面對外勞的競爭，「我相信長遠嚟講，都應該係會需要輸入勞工嘅，我哋面對人口老化問題係好嚴重嘅，但到底嗰個機制應該要點做，需要一個長遠嘅規劃。短期內，面對呢啲咁嚴重嘅失業問題，尤其基層嘅街坊，政府係點樣可以即時畀佢啲資源支援佢哋呢？」
建議設立暫停輸入外勞機制
她認為，設立暫停輸入外勞機制是短期內最快解決到燃眉之急的方法 ，「𠵱家佢都冇研究呢個機制，粹諗我點樣再將嗰個招聘嘅時間拖長咗，老實講僱主係識玩嘅。」
許垣桓批評，「其實佢要落實一啲都唔難嘅，政府嘅政策，就係政府推出，然後立法會通過。咁好快就搞掂㗎啦，而家所有速度都好快咋嘛？我相信，如果佢要做嘅話，下年三月都做到㗎啦。即係咁講⋯⋯」
至於李家超指，勞工處去年7月推出為期三年的「再就業津貼試行計劃」，計劃反應理想，明年第一季進行中期檢討，配合「中高齡就業計劃」，進一步鼓勵銀齡就業的措施。許垣桓直言，計劃培訓工人就業技能，不過許多前線反應未能將工人投放相應合適的就業市場，加上大多中高齡有照顧家庭及醫療需要，需就業技援，如暫託嬰幼兒及長者等，由此僱主未必願意招聘年紀較大的勞工。
她舉例，內地年輕人大多也會從事餐飲業，而香港的餐飲業過去由年長的基層勞工支撐，二十三十歲的員工並不普遍。在輸入外勞政策底下，本地的僱主也會偏向請年輕的勞工，「香港成個職場環境、文化都唔係對中高齡嘅人士好友善」，進一步加劇本地員工就業困難，「即系我哋交税俾政府，政府應該要先諗咗我哋先都好合理。」
相關報道：
施政報告2025｜北都批地鬆綁 向首長級公務員問責 外勞小修補 搞經濟由遊艇到太空
施政報告2025・北都發展｜佔三分一香港 「新引擎」會否成「特區中的特區」？
施政報告 2025｜盤點特首講經濟 一份報告發展海洋、太空、遊艇、低空經濟
施政報告｜結語稱賣大光燈發達被商場取代 「大笪地」在哪裏？ 彭志銘：沒人會「賣」大光燈
施政報告｜馬頭圍邨重建 街坊憂「死咗都未拆」
施政報告2025．KPI｜特首稱僅三 KPI 不達標：有可接納理由 冇計「明日大嶼」環評不推進
