宏福苑獨立委員會報告昨（29 日）公布，特首李家超和七名問責官員就大火鞠躬道歉，交代房屋局局長何永賢負政治責任請辭。引頸盼待 11 個月，換來一個局長下台，令不少遺屬和災民不滿，大火中失去雙親的蘇先生向《集誌社》表示十分憤怒、「唔收貨」，認為何永賢應親自向災民鞠躬道歉。對於政府提出的改革方案，蘇先生憂屬「新瓶舊酒」、「講就天下無敵，做就有心無力」，又指近日屢揭工程問題，反映問題已「根深蒂固爛到入去」，「你話而家出啲改革建議，係咪真係 work 呢？我唔知道。」
相關報道：宏福苑報告｜街坊睇記招拭淚 不滿僅何永賢辭職 葉家駒指如「最低消費」唔收貨
宏福苑報告｜特首率七官鞠躬道歉 何永賢下台 近 50 公務員將受查 遣屬：精準問責，去到納米級
蘇先生在大火中痛失雙親，強調四個政府部門責無旁貸，只要有部門理會居民投訴，慘劇不會發生。（資料相片）
斥道歉來得太遲 指官員應到死難者墳前鞠躬
在大火中失去八旬雙親、曾於聽證會作供的蘇先生，憤指對報告和政府問責「唔收貨」。他指四個政府部門都責無旁貸，「點解而家會係得一個局長落台？係咪一個頂全家？我唔知道」，又批評何永賢只是自己請辭、而非被炒，所發聲明亦「冇致歉呢樣嘢」，是「完全不能接受」，認為她應親自向災民鞠躬道歉。蘇生又指，多名記者追問其餘三名局長有否責任，但不獲回應，坦言感覺不到當局有誠意道歉，「如果你係有誠意嘅，我覺得你應該去 168 個死難者墳前鞠躬道歉，但我覺得佢哋冇乜膽量、冇咁嘅勇氣」；亦認為特首李家超同應負上政治責任。
對於 11 個月後才道歉，特首李家超昨解釋災後首要任務是拘捕疑犯和援助居民，認為現階段是適當時候。蘇生同樣不收貨，認為是來得太遲：「你 11 個月做緊乜嘢？你話要調查，根本完全唔合邏輯，你調查同你道歉係有衝突咩？」，指大火後已有很多證據揭示部門有問題，要承擔責任。他又說，作為家屬，大火至今都無收到官員慰問，完全看不到當局「以民為本」。
蘇先生於大火前，曾兩度就發泡膠封窗問題致電消防處，又稱擔憂發生如英國大廈的大火，獲回覆指就封窗物料沒有規管。蘇強調，宏福苑火災不是個別事件，此前華懋大廈大火已是警示，父親當時亦曾稱如宏福苑發生同樣火災「我哋死梗」，結果一語成纖。他不忿指，居民投訴過無數次，「只要有一個部門理吓我哋，相信宏福呢次慘劇係唔會發生」。
政府推改革，蘇先生引近日 One Stanley、瑪麗𨋢槽歪斜、電梯「假裝」例子，斥香港工程問題是「徹底崩壞」。（資料相片）
引近日例子批工程「爛透、徹底崩壞」
蘇先生曾於聽證會上表示，「我哋貪嘅係一個真相、一個公義」，望為死者還一個公道。如今報告公布，他認為「暫時未睇到公義」，指宏業、鴻毅等仍未負刑責；又指現時香港問題不只是圍標或大維修，觀乎近期工程問題「走晒出嚟」，如瑪麗醫院𨋢槽歪斜、臺日電梯漏裝防火門框、及豪宅 One Stanley，可見已「爛到透頂、徹底崩壞」，「你話而家出啲改革建議，係咪真係 work 呢？我唔知道。」
宏福苑驗樓報告遲遲未公開，他亦不禁質疑，「One Stanley 點解唔係危樓、宏福苑其中一座燒咗一個單位點解係危樓？點解唔公開驗樓報告，係咪驚公開咗啲人會追究？」
憂改革「新瓶舊酒」
對於報告點名批評四個政府部門，但就管治大廈管理的民政總署，則沒有就監管火警風險對其作任何不利認定。蘇先生同意民政對火災無直接責任，但指民政不曾處理居民對授權票的投訴，間接造成這次事件，有一定責任。他又提及，時任大埔區議員黃碧嬌被揭涉已離世業主授權票，但仍「逍遙法外」，教他憤怒，指「好多嘢委員會只係揭示咗一部分，未係全盤睇得到」。
對於政府提出的改革方案，蘇先生有「新瓶舊酒」的感覺，「係咪轉咗個名咋，入面個餡係咪嗰啲嘢」。對於有否信心能改善，他說需要再審視、不能斷言有無，指「做唔做到一回事」，可能「講就天下無敵，做就有心無力」。一年過去，如何才能釋懷？「你嚟我父母墳前鞠躬，可能我會接受。」
引頸盼待 11 個月，蘇先生對只有一名局長下台感十分憤怒，強調「唔收貨」。（資料相片）
相關報道：宏福苑報告．留下來的官員｜有否考慮請辭？ 再道歉鄧炳強：按行政長官要求全力以赴
宏福苑報告．留下來的高官｜300 ICU 人員「加入」新管制組 有否考慮請辭？ 甯漢豪：我是船員，要依從船長意願
問責下台簡史｜王䓪鳴引咎辭房委會主席 沙士遺屬批「厚顏無恥」 楊永強終辭職
